Кичевски Напредок во Охрид ќе ја одработи втората фаза од подготовките за пролетниот дел од Првата македонска фудбалска лига. Избраниците на охриѓанецот Драган Бочески по првата етапа завршија на четвртата позиција со исто бодови колку и третопласираниот Металург.


–    Охрид ни е наша база тука ќе ја одработиме втората и најјаката фаза во подготовките.  Потоа ќе одиграме неколку пријателски натпревари и подготвени ќе го пречекаме стартот на шампионатот – истакна Драган Бочески.


Екипата на Напредок не претрпе некои поголеми измени во составот во зимскиот преоден рок. Од стројот заминаа најдобриот стрелец Марко Симоновски и дефанзивецот Никанчевски додека се засилија со Христијан Димовски и Филип Мирчевски. Покрај големиот интерес за охриѓанецот Ристе Марковски, тој реши до крај да го одработи договорот со Напредок.


–    Не претрпивме некои посериозни измени во составот, успеавме да го задржиме костурот на тимот. Целта останува иста да продолжиме каде што застанавме во првата полусезона и да го одведеме Напредок до најуспешната сезона во својата историја – заврши Бочески.


Кичевачани во првата контролна во Охрид ги совладаа “рибарите“ со убедливи 5-0, на 7 февруари ќе играат против Дрита, а на 10 ќе се сретнат со Силекс.

Мх.П.