Напредок од почетокот на мечот доминираше на теренот, што веднаш беше капитализирано со погодок на Димоски. Пред крајот на првото полувреме Жарко Симјаноски зголеми на 2-0.
На стартот од вториот дел “црвено црните“ намалија преку Алили, а до крајот на натпреварот со двата гола на Вренцоски и вториот на Симјаноски кичевачни ја осигураа втората победа на контролните натпревари.
– Поразот од Напредок е висок, во наредниот период ќе мора да се престроиме и со сигурност ќе има корекции во нашата игра. Сите фудбалери добија прилика во Охрид и полека, полека ќе влезат во посакуваната форма пред стартот на шампионатот – истакна тренерот на Дрита, Ане Андоновски.
– Моите фудбалери одиграа добар меч, но сепак се работи за пријателски. Испробавме некои нови варијанти кои сега за сега се покажаа како успешни – потенцираше Драган Бочески.
Фудбалерите на Дрита следниот натпревар во Охрид го играат в сабота против српската екипа на Борча додека Напредок в недела ќе се сретне со Силекс.
