Во рамки на обуките по Прва помош што Црвен крст Охрид веќе втора недела ги организира во соработка со Операција Флориан од Велика Британија, а на кои учествуваат и претставници од неколку општински организации на Црвен Крст на Република Македонија и членови на Противпожарната единица од Охрид, планирано е да се изведе презентација на научените вештини и техники за укажување прва помош, на Градскиот плоштад.
Целта е да се промовираат новите тренери по Прва pомош кои истовремено ќе вршат обука на населениeто, во насока на зголемување на свесноста за потребата за познавање на укажување Прва помош.
Се планира и заедничка вежба со Противпожарната единица од Охрид, која ќе се врши евакуација од моторно возило (автомобил) на просторот-паркинг околу кружниот тек на градскиот плоштад и тоа со сечење на истото.
Исто така, подготвени се и голем број изненадувања за минувачите и посетителите на овој настан, информираат од Црвениот крст.
OhridNews
