Црвен крст Охрид во рамки на своите активности во делот на безбедност на вода и прва помош, а како подготовка за претстојната летна туристичка сезона во насока на координирано и заедничко делување на надлежните институции, утре, организира јавна показна вежба -гасење пожар, спасување на патници од опожарен пловен објект и укажување на прва помош и реанимација.
Во вежбата, покрај Единицата за безбедност на вода и тимовите за прва помош на Црвен крст Охрид, ќе бидат вклучени и тимови од институции надлежни да интервенираат во такви ситуации: Министерство за транспорт и врски-Капетанија Охрид, Гранична-Езерска полиција, Територијална противпожарна единица Охрид, Центар за управување со кризи, Дирекција за заштита и спасување, СВР Охрид и Службата за итна медицинска помош.
Вежбата ќе ја следа тпретставници на Министерствата за одбрана од соседните земји и претставвници од командата на НАТО во Брисел.
По завршувањето на вежбата, официјално ќе биде отворен Центарот за безбедност на вода на Црвен крст Охрид во Горица.
