Напредната школа на НАТО на тема „Борба против активностите на ИСИС за радикализација преку сајбер-просторот во регионот на Југоисточна Европа“, во понеделник ќе биде отворена во Охрид во х. Белведере. Се очекува на отворањето свое обраѓање да има министерот за одбрана Зоран Јолевски.
Работилницата се реализира во ко-организација на Воената академија „Генерал Михаило Апостолски“ и Бугарската академија на науките, а ќе се одржи во периодот од 3 – 7 април. Учесници се над 45 претставници од безбедносниот сектор од Македонија, Бугарија, Албанија, Босна и Херцеговина, Словенија, Србија, Хрватска и Црна Гора.
На работилницата ќе стане збор за глобалните трендови во однос на употребата на сајбер-просторот и технологиите од страна на ИСИС, а ќе се осврне и на градењето на регионална соработка помеѓу учесниците од НАТО и земјите од Партнерството за мир.
OhridNews
