„Одржлив одговор на непогоди – развивање на регионални капацитети“ е насловена Научно-истражувачка работилница на НАТО, која од денес до 1 јули ќе се одржува во Струга.
На овој научен собир кој се одржува во партнерство со Атлантскиот Совет на Албанија ќе учествуваат над 40 учесници од Регионот кои се претставници на државни институции, универзитетски професори и независни експерти од полето на кризниот менаџмент.
На отварањето на работилница највено е присуството на министрите за одбрана на Република М акедонија и Република Албанија, Фатмир Бесими и Арбен Имами.
Научната истражувачка работилница на НАТО е значајна за Регионот и ќе се осврне на различните регионални капацитети кои државите од Западен Балкан ги имаат и планираат да ги развиваат. Научната работилница, исто така, ќе биде добра можност, како за новите, така и за идните земји членки на Алијансата да ги разменат националните погледи во врска со развојот на капацитети за помош во итни ситуации во процесот на нивната интеграција во НАТО.
Проектот е поддржан од програмата на НАТО „Безбедност преку наука“ (Сецуритѕ тхроугх сциенце) која поддржува проекти на земји членки и земји партнери на НАТО за научни цели кои се во служба на безбедноста.
