Народната банка на Република Македонија одлучи да ги ослободи деловните банки од обврската за плаќање на задолжителна резерва за депозитите на физичките лица во домашна валута со рочност поголема од една година, објавија националните медиуми.
Тоа значи дека централната банка очекува преку намалување на трошоците, комерцијалните банки да понудат повеќе и поатрактивни можности за штедење со поповолни каматни стапки, потег што треба да резултира со зголемување на штедењето на подолг период во домашна валута.
Поттикнувањето на штедењето ќе им овозможи на банките да акумулираат повеќе пари кои би ги пласирале како кредити за граѓаните и фирмите.
OhridNews
