Утре се навршуваат пет години од смртта на Сашо Кичеец, еден од основачите на легендарното кафуле Mezzo forte, кое пак деновиве одбележува 25 години од постоењето.
Познатиот охридски адвокат со исклучителен шарм и бескрајна насмевка, остави голема трага во градскиот живот, а Mezzo forte на Кичеевци создаде неизбришливи спомени кај генерации охриѓани. Тие ден денес со силни емоции ги прераскажуваат незаборавните журки од 1990-тите години во Mezo forte, чиј нераскинлив дел беше Сале Кичеец. Тој беше вистински еснаф, кој колегите кафанџии ги почитуваше како гостите во Mezzo forte, кое на многумина им беше втор дом, затоа што го чувствуваа како свое.
Новите времиња носат нови трендови, се менуваат генерации, но споменот на Сашо Кичеец не бледнее. Toj e душата на Mezzo Forte која живее во нашите спомени.
