Понеделник (26 март) ќе стартуваат натпреварите од традиоционалниот  Велигдинески турнир во мал фудбал, кој ЈП “Билјанини Извори“ во соработка со Локалната самоуправа го организира по четврти пат.


– Се надевам дека овој турнир и годинава ќе донесе интересни натпревари и публиката ќе може да ужива во фудбалските мајстории. Некогаш на ваквите турнири кои се се одржуваа на полигонот за мали спортови, гостуваа екипи од рангот на Црвена Звезда, Партизан. Очекувам фудбалскиот турнир уште помасовно, но и квалитативно да се развива во наредните години – вели градоначалникот, Александар Петрески.

На Велгиденскиот турнир учество ќе земат 24 екипи, а ждрепката за натпреварите во групи е во сабота во просториите на ЈП “Билјанини Извори“.

Оваа година паричниот награден фонд изнесува 150.000 денари. За победникот на турнирот наградата изнесува (80 0000 денари), за второпласираниот наградата е (40 000 денари) додека за освојувачот на третото место наградата е (20 000 денари), новина е наградата за четвртопласираниот која изнесува (10 000).

М.П.