Фудбалерите на Охрид 2004, незадоволни од неисплатените плати и премии не го одржаа планираниот петочен тренинг и се заканаа дека нема да го играат неделниот натпревар против 11 Октомври на домашен терен.
– Чашата на незадоволствово е прелиена. Обеќани ни беа премиите и платите до 30 Септември, но еве денес немаме ништо добиено. Не сакавме да ја наткреваме работата и во целиот овој период од стартот на подготовките рабетевме без примен денар. Вака повеќе не се може, сите рокови се пробиени, до колку Управата и претседателот неможат да го водат клубот нека си заминат – рече капитенот на ФК Охрид 2004 , Ѓорески Сашо.
Наместо тренинг фудбалерите имаа состанок со Управата. Од клубот велат дека одложување на мечот не е предвидено и дека натпреварот ќе се одигра според планираниот термин, недела 15 часот.
Ohridnews
