Бразилскиот вундеркинд, Нејмар со солзи во очите се поздрави со навивачите и фудбалерите откако го одигра последниот натпревар за Сантош. Тој од наредната сезона ќе го носи дресот на Барселона и со Меси заедно ќе го сочинуваат можеби најјакиот тандем што некогаш играл заедно во фудбалот.


Нејмар беше вистински предводник на Сантош изминативе три години. Бразилскиот репрезентативец донесе три трофеи од домашниот шампионат, еден Куп трофеј и го одведе Сантош на врвот од Јужна Америка по пауза од 40 години.

Во 229 настапи за Сантош, Нејмар постигна 138 голови, а следен предизвик ќе му биде Европа, но ќе има голема помош од Меси, Иниеста, Чави и останатите фудбалери од “тик так“ машинеријата.

Мх.П.