Дел од долниот кеј на реката Црн Дрим во Струга, вчера бил поплавен затоа што непознати вандали отстраниле 150 талпи од дрвениот мост на истекот на реката од Охридското Езеро.
Според полицијата талпите, кои се со должина од 3,5 и ширина од 25 сантиметри биле отстранети во временскиот период пред 7 часот утрината. Вандалите од засега непознати причини, откако ги извадиле талпите ги фрлиле во коритото на реката, а дел од нив ги заковале со шајки.
Работници од ХЕ„Глобочица“ во моментов вршат враќање односно поставување на извадените талпи, така што не постои опасност за повторна поплава.
Од Полициската станица во Струга инфомираат дека ги превземаат сите мерки за расчистување на случајот.
OhridNews
