– Четворица полицајци се лесно повредени, оштетени се околу 15 продавници и неколку возила, во немирите што настанале по фудбалскиот натпревар меѓу двата тетовски фудбалски клуба Тетекс и  Шкендија, соопшти СВР Тетово.

По натпреварот, на кој победил фудбалскиот клуб Тетекс навивачите на Шкендија-Балистите се упатиле кон трибината каде што се наоѓале тетовските фанови.Откако полицајци ги спречиле, Балистите почнале да фрлаат камења кон нив.

Полицајците ги растерале навивачите, кои се разбегале кон околните улици,при што оштетиле неколку продавници на улицата „Иво Лола Рибар“и неколку возила.

Како што соопштуваат од СВР Тетово, моментално ситуацијата е мирна. Ова не е прв инцидент на оваа навивачка група. Припадници на навивачката група „Балисти“, минатиот месец, на  фудбалскиот натпревар Напредок – Шкендија во Кичево, на полувремето од јарболите го симнаа македонското знаме и го фрлија на земја, а на нивно место ставија албанско знаме.

OhridNews