Несреќите се случуваат секојдневно и насекаде: во домот, на улица, на училиште, на работно место, на игралиште, во природа и каде ли уште не. Во таквите ситуации правилното укажување прва помош значи спасување човечки живот. Во рамките на своите активности во делот на првата помош Црвен крст Охрид денеска ќе го организира традицоналниот, 40-ти по ред, Општински натпревар по прва помош. На натпреварот, стекнатите знаења и техники за укажување на прва медицинска помош ќе ги покажат повеѓе од 120 ученици-натпреварувачи од основните и средните училишта од Охрид и Дебарца, организирани во екипи во категорија подмладок и категорија младина. Победничката екипа од категоријата младина ќе учествува на Државен натпревар по прва помош кој ќе се одржи во првата половина на месец септември 2011.
На годинешниот општински натпревар ќе се применуваат критериумите и стандардите кои се спроведуваат при одржување на европските натпревари по прва помош. Во таа насока натпреварувачите, но и посетителите на оваа манифестација на повеѓе пунктови низ градот Охрид, почнувајѓи од паркот пред Центарот за култура „Григор Прличев” продолжувајѓи на платото пред х. Палас, хотел Ројал, СРЦ „Атина Бојаџи”, скејт паркот, ѓе бидат сведоци на симулирани-реални случки на несреЌи, изведени од членовите на актерските групи од Охрид, како и реалистички приказ на повреди, подготвени од посебно обучени шминкери за ПП на Црвен крст Охрид. За регуларноста и оценувањето на натпреварувачите ѓе го вршат 6 лекари-судии на Црвен крст Охрид.
