Националниот парк Галичица препознатлив по својата богата и ретка природа и неповторлива убавина, е честа дестинација на љубителите на планината. Најпосетена е во топлите месеци, но планинарите и алпинистите со нескротлив, авантуристички дух, сакаат предизвици и во зима.
Група планинари деновиве се искачи на врвот Магаро (2254 м.н.в.) и највисоката точка на Галичица, граничниот камен Ф10 – 2265 м.н.в, од каде како на дланка се гледаат двете Езера, Охридското од една и Преспанското од друга. Помеѓу нив бескрајна белина и нестварна убавина.
Нестварната Галичица – уникатна убавина која одзема здив
Г.М.
Фото: Петар Бавчанџиев
