Невремето проследено со обилни врнежи од дожд и силен ветер, што деновиве го зафати Охрид, оштети повеќе дрвја во градот, а предизвика и проблеми со излевање на шахтите од канализацијата кои не можат да ги примат огромните количини  дождовна вода.

Дрво на булеварот „Туристичка“ вчера буквално се преполови во момент кога во близина проаѓале минувачи. За среќа тешката крошна која се срушила на тротоарот не повредила никого.

Полни раце работа деновиве имаат екипите на “Јавна Хигиена” и “Јавно зеленило” кои ги санираат последиците од невремето. Покрај оштетени дрвја тие се справуваат и со наносите песок што го исфрла езерото.


Невремето им задава главоболки на охриѓани

OhridNews