Секторот за внатрешни работи Охрид, до Основното јавно обвинителство, поднесе кривична пријава , против 13 лица, за повеќе сторени кривични дела, со кои, оштетена е општината Охрид. Пријавата е поднесена против З.Ш.(46) и Е.С.(57) раководители на оделенијата за сообраќај и за комунални дејности во локалната самоуправа, групацијата „Денесовски“ и нејзиниот раководител С.Д.(45), како и уште против девет вработените во локалната самоуправа одговорни за спроведување на тендерската постапка, надзор и контрола на квалитетот на изведени работи кои се сомничат за сторени кривични дела: „Злоупотреба на службена положба и овластување“ „Фалсификување или уништување деловни книги“ „Соизвршителство“ „Злоупотреба на постапка за јавен повик, доделување на договор за јавна набавка или јавно-приватно партнерство“ и „Несовесно работење во службата“.
По овие основи, пријавените-вработени во локалната самоуправа, во текот на 2008, 2009 и 2010 година, со умисла, со искористување и неизвршување на службената должност, и, со пропуштање на должен надзор, на пријавенaата фирма и нејзиниот сопственик, им овозможиле стекнување со против-правна имотна корист од вкупно 4.937.032 денари, а на штета на буџетот на општината Охрид, соопшти полицијата.
Тоа го направиле откако по веќе објавени јавни повици-тендери за потребите на општината Охрид и селото Пештани за поплочување на тротоари и пешачки патеки, на пријавената фирма и дозволиле да изведува работи спротивно на договори и вон тендерска постапка, како и да испоставува фиктивни фактури, а потоа и да ги наплаќа од општината, се наведува меѓу другото во пријавата.
OhridNews
