Нишани го откажа учеството на самитот во Охрид

Албанскиот претседател Бујар Нишани ќе го бојкотира Охридскиот самит, што ќе се одржи на 1 и 2 јуни годинава.

Според канцелаларијата на претседателот на Албанија, причина за бојкотот на самитот е неповикувањето на претседателката на Косово Атифете Јахјага, пренесува албанскиот весник „Панорама“.

„Јахјага не е поканета за учество на овој настан, а тоа е спротивно на духот на соработката и дијалогот во регионот, кој ја олеснува заедничката определба за интеграција во Европа“, се истакнува во реакцијата на албанскиот претседател.

Понатаму се додава дека „оставањето на Косово надвор од Самитот е направено под притисок на Србија, што е во директна спротивност со договорот потпишан меѓу Србија и Косово во Брисел“.