Нормализиран е сообраќајот на сите патни правци каде поради остатоци од снег и голомразица беше воведена забрана за движење на тешки товарни возила, меѓу кои беше и планинскиот превој Ѓавато, како и патниот правец Штип – Неготино, информира АМСМ.
Сообраќајот на сите останати државни патишта се одвива по влажни коловози и на повисоките места со остатоци од кашест снег на коловозите.
Во клисурите и засеците можна е појава на помали одрони, особено на патните правци: Кочани – М.Каменица – Делчево, Виница – Берово, Гостивар – Стража, Маврово-Дебар-Струга, Д.Капија – Удово, Катланово-Велес, Крушево – Демир Хисар и Ресен-Буково.
OhridNews
