Со одлука на Министерството за култура, за нов директор на Националната универзитетска библиотека „Св. Климент Охридски“ е назначен охриѓанецот Иван Заров, византолог, доктор по историски науки.
Во својата програма Заров изнел план за работа на библиотелата, со акцент на збогатување на книжниот фонд, интензивирање на соработката со сродни институции во земјата и светот, целосна дигитализација на културното наследство и друго.
Иван Заров е роден во Охрид 1972 година. Средно образование завршил во гимназијата „Св. Климент Охридски“ во 1991 година, дипломирал на Филозофскиот факултет при Универзитетот „Св. Кирил и Методиј“ во Скопје во 1996 година и се стекнал со звање историчар на уметност, во 2002 година станува магистер, а во 2009 година се стекнува со звање доктор по историски науки со специјалност средновековие. Зад себе има голем број научни трудови и проекти.
Заров на раководната функција во НУБ „Св. Климент Охридски“, ќе го замени Миле Бошески кој заминува во пензија.
OhridNews
