Огласот ќе трае 45 дена, односно до 15 мај, а потребната документација за поднесување на барањата, вклучително и упатствата за корисниците на средства, може да се превземат од веб-страната www.ipardpa.gov.mk или во просториите на Агенцијата и во нејзините регионални центри, секој работен ден од 8:30 до 16:30 часот.
Финансиските средства од ИПАРД програмата 2007-2013 се наменети за инвестиции на земјоделските стопанства со цел нивно преструктуирање и надградба за постигнување на стандардите на ЕУ, инвестиции за преработка и маркетинг на земјоделските и рибни производи и развој на руралните економски активности.