Нова Импровокација овој викенд во Центар за култура “Григор Прличев”

Оваа сабота, 16 март, со почеток во 20:00 часот, во центарот за култура, на керал сцената, љубителите на забавата и остриот хумор ќе можат да ја проследат новата Импровокација, која е седмо издание во нејзината петта сезона.

Импровокација е проект на професионалните актери Стрезо Стаматовски, Никола Тодороски, Филип Кипровски и Никола Јосифоски на пијано и Филип Ангеличин – Жура како организатор (совест на шоуто).

“Импровокација” е фузија од канадските техники за “театарски спорт” и американските техники за театарска импровизација. Таа припаѓа во таканаречената “кратка форма” на театарска импровизација во коишто се играат не помалку од 12 различни “игри” за 70-тина минути и тоа ја прави да е многу динамична и забавна. Дијалогот, мизансценот, карактерите и приказните, во нивна најчиста форма, се создаваат во мигот, пред очите на публиката без никакви претходни подготовки. Точно заради тоа секоја изведба на “Импровокација”е премиерна и никогаш не може да се повтори уште еднаш, а тоа ја прави комична и спонтана.

Карти по цена од 200 денари можат да се купат во музичката продавница Зи Зи Топ, или со резервација на телефонскиот број 075283066.

OhridNews