Бројните апели кои изминатиов период ги упатија екологистите како да не допираат до граѓаните. На улицата „Даме Груев“ во централното градско подрачје може да се забележи нова мини-депонија, а најразличен отпад е расфрлан крај контејнерот.
Неоддамна, граѓаните реагираа дека во екот на туристичката сезона во Охрид, низ централното градско подрачје можат да се видат преполни контејнери со отпад.
Претходно од Ј.П.”Охридски Комуналец” информираа дека и оваа туристичка сезона се работи со максимална ангажираност на вработените и специјалните возила за подигање отпад, а проблемите, кои за жал многу тешко се искоренуваат, произлегуваат од несовесното депонирање на зелен отпад, кабаст отпад, како и отпад од хартија, кои се депонираат во контејнерите наменети за депонирање на комунален отпад.
О.Т.
