Нова премиера на охридскиот театар „Хотел ни на небо, ни на земја“

Охридскиот Народен Театар ја најавува премиерата на новата претстава „Хотел ни на небо ни на земја”, работена според текст на Ерик Емануел Шмит, а во режија на Љупчо Ѓоргиевски.

Претпремиера на претставата е во петок, 29-ти ноември со почеток во 20 часот, а премиерната изведба е во сабота, 30-ти ноември.

Во претставата играат: Никола Тодороски, Стрезо Стаматовски, Адријана Билаловиќ Тодороска, Ивица Цонев, Ирена Илиевска, Елизабета Стефановска, Стефан Николиќ и Мила Коруновска.

Сценограф е Валентин Светозарев, костимограф е Андреј Ѓоргиевски, композитор на музикта е Марјан Неќак.
Дизајн на плакат: Валентин Светозарев, инспициент: Филип Ангеличин – Жура, технички раководител: Зоран Левески, светло: Борис Велјаноски, тон: Митко Серафимоски, гардероба: Деса Лазороска, Линдита Мерко, реквизита: Соња Крстаноска, Маријана Николоска, сценски декоратери: Кире Ангелоски, Ѓоко Китоски, Горан Георгиески.

Картите за претпремиерата се по цена од 200 денари, а за премиерата 250 денари. Пуштени се во продажба на билетарата при НУЦК „Григор Прличев”. Телефон за резервации 046/261-063, 075/283-066

OhridNews