За денеска попладне е закажана нова средба на Работната група на претставниците на политичките партии потписници на Договорот од Пржино со посредникот Питер Ванхауте, објавија националните медиуми.
Посредникот Ванхауте по завршувањето на вчерашните разговори изјавил дека на маса биле предлози на ВМРО-ДПМНЕ и оти заради партиски консултации за нив, нова средба ќе се одржи денеска во 17:30 часот во Клубот на пратениците.
Пред почетокот на средбата вчера белгискиот посредник изјави дека има нови предлози за медиумите и за прочистување на Избирачкиот список од ВМРО-ДПМНЕ како одговор на претходни предлози на СДСМ. Ванхауте не ги коментираше предлозите и рече дека тие допрва треба да се разгледаат.
На средбата присуствуваа претставнции на ВМРО-ДПМНЕ, СДСМ, ДУИ и ДПА, како и меѓународни претставници.
OhridNews
