Новак Ѓоковиќ е победник на 125 издание на неофицијалното тениско светско првенство Вимблдон во Лондон. Во финалето Србинот беше подобар од Рафаел Надал со 3-1 (6-4, 6-1, 1-6, 6-3)

– Сигурно дека ова е негова сезона, за мене Вимблдон е одличен турнир, се чувствував одлично во 2010 година кога го освоив турнирот и можам само да замислам како се чувствува сега тој – рече Надал.

Ѓоковиќ за прв пат во својата кариера триумфираше на “Олд Ингланд “ , а за него победата беше остварување на сонот.


– Сонот е остварен, тешко е да се објасни ова што го чувстваувам во моментов, Вимблдон е првиот турнир кој го гледав на телевизија како дете. Ви благодарам на сите кои дојдовете денес и го направивте овој ден специјален за мене. Кога играте против Надал, мора да одиграте најдобро што знаете, и морам да му заблагодарам на Надал за одличниот натпревар. Среќен сум што мојата фамилија се тука за да ги поделат со мене овие моменти – рече Ѓоковиќ.

На најновата АТП листа која треба да излезе во понеделник Новак Ѓоковиќ ќе биде новиот светски рекет број еден.

М.П.