Македонската фудбалска репрезентација со мечот на 8. септември во Ла Валета против Андроа ги продолжува квалификациите за ЕП 2012 година во Полска и Украина. Македонската експедиција пристинка во Андора, каде и го одржа првиот тренинг.
Играч кој е во фокусот со своите игри во дресот на Мајнц, најпријатното изненадување и лидер во германската бундес лига, сигурно е Николче Новески кој е столб на репрезентативната одбрана и веќе има искуство во дуелите со Андора.
Новески кој постигнал два гола за Македонија, токму против Андора го постигнал дебитантскиот погодок во црвено-жолтиот дрес.
“Ова е втор пат како ќе играм во Андора. Во ситуацијата во која се наоѓаме сега со еден бод од две средби најважно е да се победи. Забележувам дека и покрај се што ни се случи во дуелите со Словачка и Ерменија атмосферата е нормална. Противникот сигурно е цврст, тврда екипа која знае добро да се брани, го покажаа тоа и против другите репрезентации кои имаа многу проблеми со нив. Очекувам со стрплива игра како на последното гостување кога лесно ги победивме да дојдеме до целта. На ваков натпревар најважно е да се игра концентрирано и што порано да се постигнат голови. Иако во чекор следува и натпреварот со Русија сега сме сконцентрирани на Андора. Победа ќе биде мотив повеќе и причина за добра атмосфера и добар настап против Русија“ изјави Новески за официјалната веб страна на ФФМ.
Македонија досега во дуелите со Андора оствари 2 победи, еден пораз и еден нерешен резултат.
Ohridnews
