Две непознати има на едно коло пред крајот во Бундеслигата. Кој ќе испадне директно, а кој ќе бара спас во баражот за опстанок во лигата.
Баерн со 8-1 го победи Ст Паули и го прати во втората лига. Баварците со оваа победа го осигураа третото место и квалификации во Лигата на Шампиони. Новиот првак Борусија Дортмунд пртрпе пораз од 2-0, додека второпласираниот Баер ремизираше 1-1 со Хамбургер.
Капитенот на Мајнц, Николче Новески со гол ја потврди победата над Шалке од 3-1 и пласманот во Лигата Европа. Покрај Мајнц во Лига Европа ќе игра и Хановер кој со 2-1 беше поразен од Штудгарт.
Кој ќе му прави друштво на Ст.Паули во втората лига? Ајнтрахт (34 бода) е најзагрозен кој никако да излезе од лошата серија. Поразот на домашен терен од Келн со 0-2 е голем удар за нивните надежи.