Нови 1064 случаи на Ковид, починати 25 пациенти од кои најмладиот на 34 години

Нови 1064 случаи на Ковид-19 од вкупно 3096 тестирања се регистрирани во изминатите 24 часа. Според информациите што вечерва ги објави Министерството за здравство, починати се 25 пациенти од кои најмладиот има 34 години и е од Куманово.

Од новите случаи и натаму Скопје има најголем број – 541, по што следуваат Куманово и Тетово со 57 нови случаи, Штип со 46, Велес, со 44, Битола со 43, Охрид со 33,, Кавадарци и Кичево со 25 и Струмица и Струга со по 23 нови случаи. Двоцифрена бројка на новозаболени има и во Гевгелија, Радовиш, Кочани, Свети Николе и Неготино.

Меѓу починатите пациенти, петмина се од Куманово, четворица од Битола, по тројца од Скопје и Тетово, двајца од Прилеп и по еден пациент од Крушево, Гостивар, Кавадарци, Крива Паланка, Струмица, Валандово, Пехчево и Свети Николе. Освен двајца пациенти, сите останати се починати во болнички услови.

Институтот за јавно здравје регистрира 507 оздравени пациенти.

Вкупната бројка на ковид дијагностицирани во земјава од почетокот на епидемијата изнесува 44898. Бројката на оздравени е 26289, а на починати 1263. Активни се 17346.

OhridNews