Над сто високи полициски претставници од околу 30-тина земји од светот учествуваат на 16-тата годишна IPES конференција посветена на развојот на  полициско работење, што синоќа започна во Охрид.

Директорот на Бирото за јавна безбедност, Љупчо Тодоровски, на собирот ја истакна добрата соработка на полициите во регионот, која според него сега треба да се продлабочи и на оперативно ниво. За таа цел, посочи Тодовски, формиран е центар за соработка кој треба да придонесе да се зголеми безбедноста на граѓаните.


Љупчо Тодороски

На петдневниот собир во Охрид полициите ќе разменат мислења за своето работење, а еминентни светски професори, полициски комесари, форензичари и доктори по криминологија ќе се осврнат на  развивање безбедносни сојузи како одговор на растечкиот криминал.


IPES е основан во 1994 година од страна на Д-р Дилип Дас. Целта на оваа непрофитна образовна корпорација е поддршка на полициските образовни иницијативи и давање професионални услуги за полициските служби во светот.

Ohridnews
фото: Васко Бујароски