Нови засилувања во тимот ГРК Охрид, пивотменот Адмир Пелидија и бекот Хироки Матсуока. Пелидија ќе ја засилува пивотменската позиција во екипата, додека Матсуока ќе игра на позицијата среден бек.
Jапонскиот репрезентативец Матсуока (174цм, 74кг) има 26 години, а во Охрид ќе го носи дресот со број 5 и потпиша за ГРК Охрид до 2025 година. Во тимот на ГРК Охрид доаѓа од Брно, Р. Чешка, а пред тоа дел од тимот на Осаки Осол, Јапонија каде во 2022/2023 е избран за МВП на јапонската лига. Има повеќе од 20 настапи за младинската репрезентација на Јапонија, а доби повик и ќе е дел од сениорскиот тим на Јапонија на Азиските игри во јануари.
Здраво на фановите на Охрид. Дали сте изненадени што јапонски ракометар ќе игра за Вас? Ние сме можеби многу мали, но играме ракомет премногу брзо. Ќе дадам се за овој тим. Ве молам за поддршка. Возбуден сум со доаѓањето во Охрид, преубав град, големо езеро, фасциниран сум. Се надевам на успеси со овој тим, изјави Хироки.
Од екипата на полусезоната заминаа спогодбено турскиот ракометар Ерај Каракоч и Даниел Андоновски на кои ГРК Охрид им се заблагодари за досегашната соработка и им посака успешна понатамошна кариера.
ГРК Охрид во пролетниот дел од првенството во Супер лигата ќе игра во разигрувањето за титула и местата кои водат во ракометна Европа. Охрид во плеј-офот ќе пренесе 2 бода.
OhridNews
