Новиот бран го „однесе“ и раководителот на охридската капетанија

Новиот бран на ВМРО – ДПМНЕ продолжува. Како што информира Македонската информативна агенција, промените ја зафатија и охридската Капетанија на пристаништа каде позицијата на раководител ја напушта досегашниот прв човек, Љупчо Настоски.

Во текстот на МИА се наведува дека новиот бран овој пат зафати повеќе раководни места во Агенцијата за вработување и Центарот за социјални работи, институции што се под ингеренции на Министерството за труд и социјална политика. Промени во директорскиот кадар има и во неколку меѓуопштински центри за социјални работи и во ЕЛЕМ.

Од ВМРО-ДПМНЕ изјавуваат дека промените ќе продолжат и во следните денови, а се споменуваат органите и подрачните единици во неколку министерства и институции, земјоделство, катастарот, македонски шуми итн.. Во тек се одвива и продолжениот мониторинг за повеќе десетици лица за кои финална проценка ќе се донесе во септември.