Новиот бран на ВМРО- ДПМНЕ продолжува со „освежување“ на претседатели на општински комитети на партијата. Од партијата информираат дека е распишан оглас и изборот е во тек во 23 градови и општини.

Станува збор за Вевчани, Јегуновце, Велес, Прилеп, Кочани, Могила, Чаир, Ранковце, Демир Капија, Македонска Каменица, Гостивар, Центар, Богданци, Бутел, Валандово, Ѓорче Петров, Дебарца, Маврово – Ростуше, Кисела Вода, Крушево, Тетово, Чучер – Сандево и Крива Паланка.
 
Од минатата недела веќе се избрани и нови претседатели на општинските комитети во Битола, Ресен, Струга, Дојран, Студеничани, Кавадарци и Пехчево.
 
Со „новиот бран“ се опфатени и 38 задгранични комитети за што партијата веќе објави повик за кандидирање претседатели. Конкурсот е за 21 град во Европа, 12 во САД, два во Канада и три во Австралија.

OhridNews
извор: МИА