Изборот на новиот директор на националната установа фестивал „Охридско лето“ ќе биде извршен оваа недела, изјави вчера во Охрид министерката за култура Елизабета Канческа Милевска.
-Во моментов имаме в.д. директор од кој што сме многу задоволни и кој успешно го реализира јубилејното издание на фестивалот, а јас очекувам дека ќе се направи избор од овие кандидати кои што се пријавија на изборот за директор на „Охридско лето“, рече министерката Канческа Милевска.
За директорското место на фестивалот Охридско лето пријавени се 12 кандидати: Јованчо Секулоски, Томе Џамтоски, Александра Белевска, Наташа Спасеска, Климент Недевски, Благоја Петковски, Климент Наумов, Васил Ложанкоски, Анита Котеска, Мери Георгиева, Стојан Савески и Климент Неделковски.
OhridNews
