Новите полициски возила „Шкода јети“, денеска и официјално пристигнаа во Министерството за внатрешните работи.
Новите 150 „Шкоди“, кои ќе бидат промовирани уште во понеделник, ќе ги заменат старите „крајслери“ кои важат за возила со голема потрошувачка и скапо одржување. Според најавите, се прават напори автомобилите што поскоро да ги поминат техничките прегледи и регистрација, со цел уште од јануари да можат да се стават во употреба.
Инаку, ресорното министерство одвои 3,15 милиони евра за набавката на возилата од „Порше Македонија“, во чија цена е вклучена и додадтната техничка опрема, од ротациони светла, држачи за радио станици па се до полициските ознаки.
OhridNews
