САД сака повторно да добие организација на СП, а зад кандидатурата застана нејзиното најсилно оружје, претседателот Барак Обама. ’Фудбалот е многу повеќе од игра’, поентира Обама.Обама напиша писмо до ФИФА во кое замолува САД да биде домаќин и организатор на едно од светските првенства во фудбал кои треба да се одржат во 2018 и 2022 година.
„Фудбалот е многу повеќе од игра. Тој на најубав и најинтензивен начин го поврзува целиот свет. Би сакал САД да бидат промотори на тоа заедништво и во таа смисла да бидеме домаќини на големото спортско дружење“, се наведува во писмото на Обама до Блатер.
САД последен пат беа домаќини на СП во фудбал во 1994 година. Овој Мундијал ќе се памети по одличната организација и одиграното финале помеѓу Бразил и Италија кое победникот го решаваше по изведувањето на пеналите.
