Непознато лице со автомобил „ Шкода Фабиа“ без регистерки таблички, вчера попладне, во неколку наврати се обидело да ја пресече колоната возила на српскиот претседатл Томислав Николиќ, која се движела низ улицата „Јуриј Гагарин“ во Нов Белград, пренесува српскиот весник „Блиц“.

Информацијата  официјално  е потврдена и од страна на српското министерство за внатрешни работи. Обезбедувањето на претседателот се обидело да го сопре возачот, но тој успеал да побегне.

Од  надлежното министерство  не можат да кажат дали станува збор за дрзок возач, или инцидентот кој е последица на сообраќајната гужва, поради изведување на градежни работи на улицата„Јуриј Гагарин“.

На почетокот на ноември на автопатот Белград-Ниш се случи сличен инцидент, кога службен џип на генерал од српското МВР се доближи на непрописно растојание до колоната возила во кој бил Николиќ.

OhridNews
извор: Блиц