Единиците на локалната самоуправа-рурално подрачје, единиците на локалната самоуправа на чија територија се наоѓа руралната средина, Централните плански региони и Агенцијата за промоција и поддршка на туризмот во Република Македонија ќе може да аплицираат на Јавниот повик за користење финансиски средства од Програмата за финансиска поддршка на руралниот развој за 2015 година.
Според Јавниот оглас кој го објави Агенцијата за финансиска поддршка во земјоделството и руралниот развој барања ќе може да се доставуваат за следните мерки: Мерка 321 – Подобрување на квалитетот на живот во рурална средина; Мерка 322 – Обнова и развој на селата и Мерка 323 – Зачувување и унапредување на традиционалните вредности во руралните подрачја
Финансиската поддршка за овој Јавен повик се исплаќа по принцип на финасирање на завршени инвестиции од страна на корисникот во висина од 100 % од вредноста на одобрените прифатливи трошоци за инвестицијата.
Крајниот рок за поднесување на барањата е 15-ти јуни 2015 година, а подетални информации можат да се добијат на веб страницата www.ipardpa.gov.mk или во Секторот ТЛЕР Канцеларија за административни работи и стручна поддршка на развојот на земјоделието при општина Охрид.
OhridNews
