Координативното тело за општествена одговорност на претпријатија и Министерството за економија на Република Македонија објавија Јавен повик за апликации за Националната награда за најдобри општствено одговорни практики во 2016 година.
Повикот се однесува на следните категории Однос кон вработените; Етичко управување; Односи на пазарот со снабдувачите, потрошувачите или купувачите; Однос кон животната средина и Вложување во заедницата
Право на учество во изборот имаат сите претпријатија регистрирани во Република Македонија. Едно претпријатие може да аплицира само со еден проект во една категорија, а може да учествува со повеќе проекти доколку се во различни категории. Големината на инвестицијата во одредена практика, не е одлучувачки фактор, туку идејата, квалитетот на проектот, како и постигнатите резултати.
Националната награда и оваа година е помогната од проектот „Општествена одговорност за сите“, кој е кофинансиран од Европската унија и во Македонија го спроведува Бизнис Конфедерација на Македонија.
Јавниот повик за апликации трае до 15-ти август 2016 година, а информативно-едукативната средба за заинтересираните компании ќе се одржи на 6-ти јули 2016 година, во ЕУ Инфо Центарот во Скопје, со почеток во 13 часот.
OhridNews
