Во јавноста се објавени и првите фотографии на мртвото тело на најпознатиот светски терорист Осама бин Ладен, но наскоро беа повлечени.
Реномираната светска агенција Ројтерс, ја повлече фотографијата бидејќи се’ уште не била потврдена нејзнината автентичност.
Светските медиуми нагаѓаат за причините за повлекување на фотографијата на мртвиот Осама бин Ладен, а се појавија и написи дека се работи за стара, веќе објавувана фотографија. Некои наведуваат дека бин Ладен е мртов од 13 декември, а дека денешната фотографија е стара монтажа објавена минатата година, на блог.
Се појавија и снимки кои ја разработуваат фотомонтажата објавена на фотографиите на мртвиот бин Ладен.
Тој е убиен во акција на американските сили, а на местото беше и пакистанската разузнавачка служба која соопшти дека бин Ладен пружал отпор и дека бил застрелан во глава.
Властите на САД моментално вршат ДНК тестирање за да потврдат дека навистина се работи за Осама бин Ладен, а како што јавува Ројтерс ќе се користи и техника на препознање на лицето. Резултатите на ДНК анализите ќе бидат познати за неколку дена.
извор:„Макфакс
