Времето денеска ќе биде претежно облачно и студено со повремени врнежи од дожд, а на планините и на некои повисоки места од снег. Ќе дува слаб до умерен ветер од северен правец, кој долж Повардарието краткотрајно ќе засилува. Минималната температура ќе биде во интервал од 0 до 5, а максималната ќе достигне од 4 до 11 степени.
Во Охрид облачно со повремени врнежи од дожд и со умерен ветер од северен правец. Минималната температура ќе се спушти до 3, а максималната ќе достигне 7 степени.
Во следните денови ќе преовладува променливо облачно време со локални врнежи од дожд, но и со сончеви периоди. Утринските температури до четврток ќе бидат ниски, а дневните од вторник во постепен пораст, велат од УХМР.
OhridNews
