Малолетничка од струшкото село Долна Белица (17) попладнево скокнала во студените води на реката Дрим, од мостот во близина на х. „Београд“ во центарот на Струга.
Трагедијата ја спречиле случајни минувачи кои ја извлекле девојката од реката. На местото на настанот веднаш пристигнала полицијата, како и екипи на медицинскиот центар и центарот за социјална работа.
За среќа девојката минала без повреди, а благодарение на присебноста на минувачите драмата завршила со среќен крај.
Надлежните служби ги утврдуваат мотивите поради кои малолетничката се решила на ваков чин, а поради чувствителноста не се соопштуваат други детали за случајот.
OhridNews
