Истражител на Специјалното јавно обвинителство, вечерва бил избркан од просториите на Управата за безбедност и контраразузнавање каде се наоѓал на работна задача да дежура до доаѓање на експерт од компанијта „Ериксон“, кој треба да обезбеди докази за обвинителството по судска наредба, а кои се поврзани со случајот „Пуч“. Друг истражител пак на СЈО вечерва бил приведен во полициска станица.
Информацијата ја потврди специјалната јавна обвинителка Катица Јанева, која во изјава вечерва истакна дека истражителот си заминува од полициската станица Беко во Скопјесо каде бил приведенј.
-Командирот на станицата треба да каже зошто тој е задржан од полицијата, бидејќи не ни е дадено образложение. Тој беше на извршување на задача по моја наредба, истакна Јанева.
Специјалната обвинителка најави дека обвинителите вечерва ќе се вратат во просториите на УБК за да побараат одговор зошто истражителот на СЈО е избркан од службените простории на управата.
OhridNews
