Новиот систем на наплатување преставува современ, ефикасен и модерен начин на наплата на паркинзите при што по пат на приватно јавно партнерство во кое сопственоста на паркинзите останува сопственост на Јавното претпријатие, додека јавниот приватен партнер учествува во изработка на софтверски систем, обезбедување на опрема и користење на телефонските линии од операторите, објаснуваат од ЈП Билјанини извори во врска со проектот за јавно- приватно партнерство за користење на паркинзите, додавајќи дека сето тоа е транспарентно изложено во физибилити студијата.
– Со овој систем, ефикасноста на наплатата ќе се зголеми 30 до 40 проценти, можноста за манипулација и избегнувањето на наплата ќе се сведе на минимум, а граѓаните ќе можат да ги користат услугите на современ начин како што ги користат граѓаните во сите поголеми метрополи во светот и кај нас, велат од ЈП Билјанини извори.
Од јавното претпријатие реагираат на претходно изнесеното од страна на дел од политичките партии, потенцирајќи дека станува збор за лаги и невистини чија цел е еден транспарентен процес кој е од интерес и само од интерес на граѓаните на Охрид да се претвори во политичка манипулација и борба за ефтини политички поени.
– ЈП Билјанини извори соочено со катастрофалната финансиска состојба, со огромна превработеност на партиски кадри на партијата што реагира и на нивниот довчерашен коалиционен партнер од кого што бесрамно се откажаа откако го уништија јавното претпријатие, сега ЈП Билјани извори е на домет на политички маргиналци кои се дрзнуваат да ги лажат граѓаните на Охрид со небулози и невистини во однос на проектот за приватно јавно партнерство за користење на паркинзите во Охрид,велат од претпријатието.
Оттаму со прашања до партијата која реагира на реализацијата на проектот- зошто додека со јавното претпријатие раководеле нивни кадри без никаква одговорност, го уништиле,задолжиле претпријатието и ги оставиле вработените без четири плати, здравствени картони, како и зошто градските паркинзи ги издавале на група нивни бизнис партнери кои профитирале од парите на граѓаните,додека јавното претпријатие пропаѓало.
реагира и владејачката партија
Наместо да им се извинат на граѓаните и да сносат одговорност за тоа што го пропаднаа Јавното претпријатие а паркинзите им ги дадоа на нивните бизнис партнери да ги полнат џебовите ВМРО НП треба да обелодени каков интерес имаа при нивните зделки, а не да се појавуваат во јавност со чудни соопштенија. -се вели во реакцијата на ВМРО ДПМНЕ.
-Треба да кажат колку пари заработија нивните бизнис ортаци, колку заработија на сметка на Охриѓани кога наплатуваа паркинзи по 50 денари на час а граѓаните на Охрид и туристите беа буквално матретирани со закани, омаловажување, влечења за раце и сл. Граѓаните тоа никогаш не го заборавија и затоа на народна и нивните довчерашни коалициони партнери ги казнија на последните локални избори со катастрофален пораз од кој што сеуште неможат да се опорават. -стои во соопштението.
ВМРО ДПМНЕ смета дека идејата за јавно приватно партнерство е благородна и современа идеја, од која ќе имаат најмногу корист граѓаните на Охрид.
OhridNews
Паркинзите ЈП „Билјанини Извори“ ќе ги стопанисува партнерски со приватна фирма
