На барање на лидерите на политичкуите партии, проценката на ЕУ и САД за тоа дали се исполнети условите за одржување на изборите на 24 април, ќе биде соопштена утре, потврдиле за „Телма“ дипломатски извори.
Амбасадорите на ЕУ и САД, Аиво Орав и Џес Бејли денеска требаше да соопштат дали се исполнети условите за одржување на изборите врз основа на три критериуми: договор за медиумите, прочистување на Избирачкиот список и одвоеност на партијата од државата.
Амбасадорот Орав вчера беше во Брисел на консултации со кабинетот на Еврокомесарот Јоханес Хан кој лично посредуваше во постигнувањето на договорот од Пржино.
Неофицијално и во Брисел и во Вашингтон се обидуваат да ја менаџираат реакцијата на извештајот во кој треба да стои дека не се исполнети бараните услови и евентуално да се договори нов датум за избори, но одложувањето на изборите да не биде за повеќе од еден месец.
OhridNews
Извор:„Телма“
