Од Граѓанската асоцијација МОСТ информираат дека од почетокот на гласањето до сега се регистрирани дваесетина неправилности.

Како нерегуларности се наведуваат читањето на глас на имињата на гласачите што доаѓаат да гласаат, присуство на неовластени лица на гласачките места, агитирање, како и гужви на гласачките места.

Од МОСТ информираат и за скршен печат на едно гласачко место, како и за појава на семејно гласање.

Инцидент имало и на гласачкото место 2731 во Аеродром, каде што во чантата на еден од присутните на гласачкото место биле откриени три гласачки ливчиња.

Од МОСТ со потсетување дека сите забележани неправилности можат да се пријавуваат на бројот 080 080 080.

OhridNews
Makfaks