Богатата програма „Од 20-ти до 20-ти сите во Охрид“ во организација на локалната самоуправа привршува. Вечерва на главната сцена на градскиот плоштад ќе настапи познатата македонска група „Фолтин“ со што се заокружуваат деновите на забава, концерти, настапи на познати музички имиња по повод новогодишните, божикните празници, Стара Нова година, Водици.

Од 19:00 часот ќе се одржи трката на келнерите од охридските кафе барови, ресторани и хотели. Ќе се трча на потегот од пред Lounge bar Objectif до плоштадот „Св. Климент Охридски“.
 
За забавата на градскиот плоштад вечерва ќе се погрижи и групата „Камелеон“, заедно со Жармена и Китроз, по што ќе следува и настанот на вечерта, концертот на групата „Фолтин“.

Во изминатите денови на сцената на градскиот плоштад настапија Љубојна, Сергеј Четковиќ, Суперхикс, Бени, Ѓоко Танески, Даниел Кајмакоски и многу други музички имиња.

OhridNews