Српска државјанка на возраст од 32години починала на плажата Сараиште.
Причина за смртта, како што информираат од Општата болница во Охрид е срцев удар.
-Нешто по 14 часот во Интерното одделение при општата болница со возило на брза помош беше донесена жена родена 1980 година, без знаци на живот. Дежурната лекарска екипа околу 45 минути се обидуваше да изврши реанимација, но за жал безуспешно. Причина за смртта најверојатно е акутен инфаркт на миокардот, изјави за OhridNews Д-р Сашо Василески, раководител на Интерното одделение.
Срцето на несреќната жена и откажало додека таа била во вода, но на телото на починатата не биле забележани знаци на давење.
На местото на настанот извршен е увид, а по наредба на истражен судија врз телото на починатата ќе биде извршена обдукција, со цел да утврдат причините кои довеле до фаталниот епилог.
ОhridNews
