Вчеравечер , околу 21 часот, во струшкото село Лабуништа, од страна на непознати сторители, со употреба на тврд предмет-камен скршени биле шест двокрилни прозорци и стаклото на влезната врата на поликлиниката во селото.
Во текот на вчерашниот ден забележан е уште еден инцидент во струшко. Според информациите од МВР, на 28/29.01.2012 година, во село Боровец, од страна на непознат сторител извршено е оштетување на осветен дрвен крст, висок 4 метри, кој бил поставен во дворот од црквата Св. Богородица.
И во двата случаи извршен е увид од страна на полициска екипа и како што информираат од МВР, се преземаат мерки за пронаоѓање на сторителите. Од полицијата засега не коментираат дали синоќешните инциденти се поврзани со случувањата изминатите денови во струшко, но информираат дека настаните будно се следат ос страна на специјално формираниот тим на службата чија цел е да превенира евентуални инциденти.
OhridNews
