Поради интервенции на водоводната мрежа и преземање на редовни активности пред почетокот на летната сезона, од синоќа на полноќ жителите на Охрид, беа без вода за пиење. Иако од МЈП Проаква најавија дека најдоцна до 18 часот, денеска, ќе се нормализира водоснабдувањето, делови од градот уште еден час подолго останаа без вода за пиење. Состојбата со водоснабдувањето сега полека се нормализира.
Инаку, во текот на целиот ден се вршеше измивање на водоводната линија, поправка на главните шибери и отстранување на дефекти.
Од јавното претпријатие информираа дека поради неповолните услови за работа сервисирањето на водоводната мрежа во стариот дел на градот и Орман ќе се изврши дополнитечно.
OhridNews
